Ikigo gishinzwe guteza imbere ubukerarugendo mu Rwanda (RDB), uyu munsi binyuze muri Visit Rwanda, u Rwanda rwagiranye amasezerano y’igihe kirekire n’amakipe abiri akomeye yo muri Los Angeles, LA Clippers na Los Angeles Rams.
Loss Angeles Rams ni ikipe y’umukino w’amaguru ya Los Angeles muri California muri Amerika, naho Los Angeles Clippers ikaba ikipe ya Los Angeles y’umukino wa basketball. Mbega u Rwanda rwageze muri basketball no muri football icyarimwe.
Ni ubwa mbere ikirango cya Afurika cy’ubukerarugendo gishyizeho ubufatanye mu mikino ya NBA cyangwa se National Basketball Association, nk’irushanwa ry’umukino wa basketball muri aAmerika ya Ruguru ndetse na National Football League NFL nk’amarushanwa y’imikino y’umupira w’amaguru muri Leta Zunze ubumwe za Amerika kikongera kwagura aho Visit Rwanda imenyekanira binyuze muri siporo muri Leta Zunze Ubumwe za Amerika.
Visit Rwanda yagize ubu bufatanye mu rwego rwo kwamamza u Rwanda, aya makipe akaba yiyongereye kuri Arsenal, Paris Saint-Germain (PSG), na Atlético de Madrid, hamwe n’ubufatanye na FC Bayern Munich Academy.
Akimara gusinya aya masezerano, Jean guy Africa ukuriye RDB yagize ati
“Siporo ihuza abantu, ikunga sosiyete biciye ku ndangagaciro rusange zisangiwe n’ibyiyumvo. Binyuze mu bufatanye na LA Clippers na LA Rams, u Rwanda na Los Angeles byifatanyije mu kwamamaza umwuka w’imikino. Ubu bufatanye butuma duharanira kumenyekanisha ubwiza karemano bw’u Rwanda budasanzwe, ndetse n’ibindi byiza ku bantu bo muri Los Angeles no ku bafana ba NBA na NFL ku isi hose.”
Mu masezerano, Visit Rwanda izaba umuterankunga wihariye wo ku myenda y’imyitozo n’imikino ya Clippers, haba mu rugo no hanze. Izaba kandi umuterankunga w’ikawa itangwa muri Intuit Dome, aho iyi kipe ikiniea. Mbega buri kawa izajya iba yanditseho visit Rwanda. Ubu bufatanye buzakomeza kubakira ku mishinga yo gushyigikira iterambere ry’urubyiruko no guteza imbere basketball ku isi. Biteganyijwe ko hazabaho ibikorwa bigamije gukangurira sosiyete mu karere ka Los Angeles no mu Rwanda, birimo gukundisha abantu basketball no gutanga amahugurwa y’abatoza.
Ubu bufatanye bujyanye n’umugambi wa NBA wo gukomeza guha agaciro basketball ku rwego mpuzamahanga. NBA imaze imyaka irenga 40 ishyiramo imbaraga mu guteza imbere basketball ku isi, harimo n’ishyirwaho rya Basketball Africa League (BAL) mu bufatanye na FIBA, igizwe n’amakipe 12 yo muri Afurika, aho umwaka wa gatanu wasojwe muri Kamena 2025. Kuva BAL yatangizwa mu 2021, imikino imaze gukinirwa ku mugabane wa Africa, harimo no muri BK Arena i Kigali.
Mu gihe cy’ubu bufatanye, Clippers bazagira uruhare mu gusana ibibuga cya basketball mu Rwanda. San Diego Clippers, ikipe y’icyiciro cya G League, izajya yakira buri mwaka abatoza b’urubyiruko bavuye mu Rwanda mu mahugurwa i San Diego. Nanone, abatoza ba Clippers bazaza mu Rwanda gutanga amahugurwa no gukora ibiganiro n’abatoza b’Abanyarwanda, mu rwego rwo kuzamura impano ziri mu gihugu.
Ku rundi ruhande, Visit Rwanda izaba umuterankunga mpuzamahanga w’ubukerarugendo wa Los Angeles Rams, SoFi Stadium ya Loss angels rams na Hollywood Park y’ibyamamare, iyi pariki ni umushinga munini ugezweho wo kubaka mu Burengerazuba bwa Amerika, hazajya habera ibirori bitanduknaye.
Mu masezerano, Visit Rwanda izaba umuterankunga w’ahantu habiri hihariye muri SoFi Stadium – West Owners Club (Level 2) n’ahitwa Level 3 North Canyon Basin hafi y’ahakorerwa ibirori bya Rams. Aha hantu hihariye hitezwe kuzamura imideli yo kwamamaza ubwiza karemano bw’u Rwanda.
Visit Rwanda izajya inagaragara mu kwamamaza ku ishusho nini ya Infinity Screen muri SoFi Stadium, no ku ma kamera yose mu kibuga ndetse no muri Hollywood Park, mu gihe cy’imikino ya Rams ndetse n’ibindi bikorwa bitari ibya National Football League. Ibi bizatuma u Rwanda ukomeza kumenyekana hose, haba muri Africa, Amerika, Uburayi, Amerika y’epfo, Asia na Australia.
Ikipe ya LA Clippers ni imwe mu ziyoboye muri basketball ku isi, ikaba yaratsinze champion inshuro 14 zose. Los Angeles Rams nay oni inyabukombe, ni ikipe yamamaye kuva yashingwa mu 1937, izi zose zashyigikiye u Rwanda.
Amahanga yari akomeje gusakuza ngo u Rwanda, ariko n’aka kabarye.
Mu mwaka wa 2024, u Rwanda rwinjiye miliyoni z’amadolari650 yavuye mu bukerarugendo, ubu intego ni ukugera kuri miliyari imwe y’amadolari, mu mwaka wa 2029.
