Kwizera Emelyne wamamaye ku mbuga nkoranyambaga nka ‘Emelyne Ishanga’ yabatijwe mu mazi menshi, yakira Yesu nk’umwami n’umukiza we. Abinyujije ku mbuga nkoranyambaga ze Emelyne yasangije abamukurikira amafoto agaragaza ko yabatijwe, ashimira Imana yamukuye mu bibi kugeza yakiriye agakiza, ndetse ahamya ko atangiye urugendo rushya.
Emelyne yahisemo umwami Yesu nk’umukiza we, bikaba byabaye ku wa 8 Uguhsyingo 2025, ubwo ni nyuma yo kunyura mu nzira mbi, bikarangira hari amabi agiye hanze, gusa hari n’abandi bakora mabi niuko wenda bo atajya hanze.
Niba nawe uri umukristo ujya mu rugendo rujya siyoni, mushimire inzira nziza yahisemo kuko umushumba yari afite intama 100 imwe irazimira nuko ata 99 zisigaye ajya gushaka 1 yazimiye ayibonye arayiterura akoresha numunsi mukuru, rero akwiye gushimirwa.
Yanditse ati:
“Ndabizi biragoye kubyiyumvisha gusa niko biri, ndagushima Yesu ku bw’ubuntu bwawe ndetse n’urukundo rwawe. Ndagushimira ku bw’agakiza kawe wampereye ubuntu ntabwo nari mbikwiriye, nari mubi, nari ikivume, nari uwo gucirwaho iteka, nari uwo gupfa, nari mfite amazina mabi umpa izina rishya ( Inshuti ya Yesu ) Hallelujah.”
Yifashishije amagambo aba mu ndirimbo z’abemera Imana, uyu mukobwa yakomeje agaragaza ko yishimira iyi ntambwe yateye mu buzima.
Ati “Wankuyeho wa mwenda w’isoni unyambika umwenda wera, ndagushima Yesu ko wankuye mu maboko y’umwanzi ndashimira amaraso yawe y’igiciro cyinshi yanyogeje ibyaha byanjye, ndashima umusaraba, ndashima ya mva nziza ariko cyane cyane ndashima umwami Yesu!”
Yiyambaje umurongo wo muri Bibiliya 2 Abakorinto 5:17, Emelyne yagize ati “Umuntu wese iyo ari muri Kirisitu aba ari icyaremwe gishya, ibya kera biba bishize. Dore byose biba bihindutse bishya. Kandi umwanzi cyangwa iby’Isi byose ntibizongera kuntera ubwoba ukundi.”
Ku rundi ruhande yifashishije umurongo wanditse mu Abagaratiya 6:14 yagaragaje ko ubu icyo kwiratana afite ari uko yakiriye Yesu nk’umwami n’umukiza ati “Ariko njyewe sinkiratana ikindi, keretse umusaraba w’Umwami wacu Yesu Kirisitu wategetse ko iby’isi bimbera nk’ibibambwe, nanjye nkabera iby’isi nk’ubambwe. Nk’uko napfanye na Kirisitu, nkazukana nawe nzakomeza kurushaho gusa nka we!”
Ibi bibaye nyuma y’amahano yari yabaye, atuma ajya mu kigo ngororamuco, nyuma yo gufunmgwa. Kwizera Emelyne (Ishanga) yavuye mu kigo ngororamuco ngo yarahindutse
Kwizera Emelyne nyuma yo gutaha avuye mu kigo cya Huye gufasha ababaswe n’ibiyobyabwenge yasabye abakunzi be gusiba mu mitwe yabo Emelyne wa kera bazi mu bikorwa binyuranye kuko uwo atakiriwe yahindutse.
Ibi bikubiye mu butumwa bwa Instagram yari yanditse, yabivuze nyuma yo kuvugwa cyane mu mwaka wa 2024 n’intangiro za 2025, mu bikorwa bitamdukanye birimo ishanga ari kumwe na The Ben, ndetse n’amashusho y’urukozasoni.
Ku wa 29 Mutarama 2025, Urwego rw’Igihugu rw’Ubugenzacyaha, RIB, rwemeje ko batanu barimo Kwizera Emelyne ‘Ishanga’, bajyanywe kugororerwa mu kigo cy’igororamuco cya Huye, mu gihe batatu bo bakurikiranywe mu butabera.
Bamwe mu bajyanywe kugororerwa mu kigo ngororamuco cy’i Huye barimo Kwizera Emelyne, Gihozo Pascaline, Uwase Salha, Uwase Shakira na Uwase Belyse.
Uwineza Nelly Sany na Ishimwe Patrick na Babingwa Josue bo bakurikiranywe bafunzwe kubera gukwirakwiza amashusho y’urukozasoni.
Impamvu Emelyne yajyanywe kugororwa ntajyanwe mu butaberam ni uko Iperereza ryasanze kwifata amafoto kwabo nta mugambi wo kuyasakaza bari bafite ndetse nubwo yasakazwaga hanze ni bo bateye iya mbere yo gutanga ikirego, byahuriranye n’uko RIB yari yatangiye iperereza ku wasakaje.
Kuba rero barafashe iya mbere bagatanga ikirego bibagira abahohotewe. Ikindi kandi cyagaragaye ni uko uko kwifata amafoto kwabo babiterwaga n’ibiyobyabwenge.
Ikindi burya iyo ari ubwa mbere umuntu akoresheje ibiyobyabwenge, aba ashobora guhabwa amahirwe yo kwisubiraho mu gihe na we ariko agaragaje ubushake akaba yakoherezwa mu kigo ngororamuco. Gusa ibi bitandukanye n’iby’abantu bafatwa kubera ibindi byaha bapimwa bagasangwamo ibiyobyabwenge kuko biba byiyongereye ku bindi byahe.
Twasoza tubwira uu mubyeyi turi, komeza inzira watangiye, wahisemo neza, Nyagasani muri kumwe. Twese dukomere tutagwa.
