Polisi ikorera mu Karere ka Gasabo mu Mirenge ya Ndera, Rusororo na Gikomero yafashe abantu 5 bakwekwago guteka no kwirakwiza mu baturage ikiyobyabwenge cya kanyanga.
Bafatanywe litiro zirenga 30. Abafashwe ubu bafungiye kuri sitasiyo za Polisi zikorera muri iyo mirenge.
Aba bafashwe mu bikorwa bya Polisi byo kurwanya ibiyobyabwenge mu baturage.
Mu Murenge wa Rusororo mu Kagali ka Gsagaragara hafatiwe Litiro 20 za kanyanga n’ibikoresho bifashisha mu kuyiteka. Umwe mu bakekwa yahise yiruka ku buryo inzego z’umutekano zirimo kumushakisha.
Mu Murenge wa Ndera mu Kagali ka Bwiza hafatiwe Litiro 5 za kanyanga n’abagabo 2 bari bayitwaye kuri moto.
Mu Murenge wa Gikomero mu Kagali ka Murambi na Munini, hafatiwe Litiro 10, hafatwa abantu 3 bakwaho gucuruza kanyanga.
Kanyanga mu Rwanda ifatwa nk’ikiyobyabwenge bityo abayiteka, abayinywa na bayikwirakwiza mu baturage baba bakoze icyaha kandi gihanishwa igifungo kinini, gishobora kuba burundu. Abaturage barasabwa kwirinda ibikorwa byo gucuruza ibiyobyabwenge kuko inzego z’umutekano zifatanije n’abaturage zabahugurukiye ngo bafatwe.
- Abaturage barashimirwa uruhare bagira mu gutanga amakuru ngo abacuruza ibiyobyabwenge bafatwe kandi bahanwe, by’umwihariko abatuye mu Mirenge yo mu nkengero z’umujyi wa Kigali hari kugaragara abacuruza ibiyobyabwenge. Polisi irakangurira Abanyarwanda bose kugira uruhare mu kurwanya ibiyobwenge batangira amakuru ku gihe.
Aya makuru nyakesha umuvugizi wa Polisi mu Mujyi wa Kigali, CIP Gahonzire Wellars.
