Ku nshuro ya mbere mu Mujyi wa Kigali, hagiye kubera iserukiramuco ry’imbwa, ryiswe ‘Dog Fest Kigali’ rizahuriza hamwe imbwa zikerekana ubuhanga butandukanye zifitemo. Ni igikorwa kidasanzwe cyagenewe abakunzi b’imbwa kizabera mu Mujyi wa Kigali i Gacuriro kuri ‘KICS Playground’, ku wa 31 Kanama 2025.
Iki gikorwa kigamije guhuriza hamwe abantu bafite urukundo n’impuhwe ku mbwa, abatanga serivisi zijyanye n’inyamaswa, n’abakora mu nzego zitandukanye zita ku mibereho myiza y’imbwa, byose bigashyirwa mu birori by’imyidagaduro n’ubusabane. Dog Fest Kigali ni umwanya wo Kwerekana imbwa zifite imyambarire idasanzwe (Best Dressed Dogs), gukurikirana imyiyereko y’imyitozo yazo (Agility shows) n’ubuhanga bw’imbwa.
Hazabaho kandi kuganira n’abahanga mu buzima bw’amatungo; barimo abavuzi, abatoza, n’abacuruzi b’ibikoresho n’ibiryo, kuryoherwa n’umuziki, amafunguro, n’ibinyobwa, gushima abafite imbwa zifite imyitwarire n’imyitozo myiza nk’uko Gahamanyi Eric, washinze Dog Haus.
Yagize ati “Twifuje gutangiza ibi birori kugira ngo abantu bigire hamwe uburyo bwo kurushaho kuba inshuti n’imbwa zabo. Dog Fest ni umwanya wo gusabana, kwishima, ariko tunagira icyo twunguka mu bumenyi.”
Ibi birori bifite intego yo guteza imbere umuco wo gukunda no kwita ku mbwa, aho zifatwa nk’inshuti za muntu mu buzima bwa buri munsi, aho kuba inyamaswa zisanzwe.
Dog Fest Kigali, ni intambwe ikomeye mu rugendo rwo kubaka umubano uhamye hagati y’abantu n’imbwa, hagamijwe kugira igihugu gifite umuco mwiza wo kurera no gufata neza inyamaswa.
Mu buryo bwo kwidagadura hazaba hari n’aba Djs bakomeye mu Rwanda, bacurangira abantu n’imbwa, hazaba hari n’ibyicungo by’abana, bazaba bari kwidagaduriramo.
Ubundi mu bihugu byateye imbere, baha imbwa agaciro gakomeye cyane, bakayigenera budget, bamwe mu bagore n’abakobwa bakaryamana nazo, dore ko hari abo binyura kurusha kuryamana n’abagabo.
No mu Rwanda imbwa zahoze mu buzima, zikarinda ingo zigahigishwa, ariko n’ubwo zifite uwo mu maro umuntu akwise imbwa bigaragara ko agututse.
